Опис на проектот

Проектот има цел целосно да ја реконструира и модернизира патната инфраструктура во урбаните и во руралните населени места на Општина Сопиште. Ова вклучува санација на оштетените делници, поставување нов асфалт, изградба на тротоари, поставување на атмосферска канализација, обележување на патиштата и уредување на банкините.

Влијание на проектот:

Социјално влијание:
- Зголемена безбедност на граѓаните – со подобрени патишта, обележани премини и со тротоари ќе се намали бројот на сообраќајни несреќи.
- Подобрен квалитет на живот – секојдневното движење (до училиште, работа, здравствен дом) ќе стане побрзо, побезбедно и поудобно.
- Инклузија на рурални средини – жителите на помалите населени места ќе бидат подобро поврзани со административниот центар.

Економско влијание:
- Поттикнување на локалниот бизнис – подобрата пристапност значи полесен транспорт на стоки, услуги и луѓе.
- Привлекување на инвестиции – добрата инфраструктура е основен предуслов за инвеститорите.
- Зголемена вредност на недвижности – модерни улици и патишта ја зголемуваат атрактивноста на просторот.

Еколошко влијание:
- Намалување на површините со прашина и кал – особено во населени места без асфалт, што ќе влијае позитивно врз здравјето на жителите.
- Подобро управување со атмосферските води – преку изградба на канализација се намалува ризикот од ерозија и поплави.
- Поттикнување на пешачките и велосипедските навики – преку уредени патеки и тротоари.

Целна група: Сите жители на Општина Сопиште

Рок на реализација: Времетраење: 24 месеци, во 3 фази

Буџет

Извори на финансирање:
- Општински буџет.
- Министерство за транспорт и врски.
- Фондови од ЕУ преку ИПА-програмите.
- Јавно-приватни партнерства.

Опис на проектот

Анализа:
- Потреби: Постоечките водоснабдителни и канализациски системи се застарени и не функционираат соодветно, што предизвикува чест проблем со водоснабдувањето, особено во руралните делови.
- Очекуван ефект: Подобрување на хигиенските услови, здравјето на жителите и заштита на животната средина.
Проектни активности:
1. Изградба на нови водоводни линии во руралните делови на општината.
2. Реконструкција и модернизација на постојните водоснабдителни системи.
3. Проект за изградба на канализација во руралните делови.
4. Создавање центри за селектирање на отпадните води и повторно користење на водата.

Влијание на проектот:

Овој проект ќе обезбеди чиста вода и квалитетна канализација за сите домаќинства, со што значително ќе се подобри здравјето, хигиената и животниот стандард во општината. Ќе се намали загадувањето, ќе се заштити животната средина и ќе се зголеми атрактивноста на Сопиште за инвестиции и развој.

Целна група: Сите домаќинства во Општина Сопиште – особено во руралните и периферните населени места каде што нема водовод или има чести дефекти

Рок на реализација:
Вкупно времетраење: 24 месеци (во 3 фази)

Фаза 1: Подготовка и проектирање (3–6 месеци)
- Теренско снимање, хидротехничка анализа, избор на технологија
- Изработка на проекти и добивање дозволи
Фаза 2: Изведба на водоводна мрежа (6–9 месеци)
- Реконструкција на постоечките водоводи
- Нови приклучоци, резервоари и пумпни станици
Фаза 3: Изведба на канализациска мрежа (9–12 месеци)
- Гравитациска и притисочна канализација
- Поврзување со пречистителна станица или со сепаратори
- Асфалтирање на улиците по завршена работа

Буџет

20% – Проектирање, дозволи, надзор.
40% – Изградба и реконструкција на водоводна мрежа.
30% – Канализациска мрежа и приклучоци.
10% – Повратно уредување на улици, зелени површини и јавни објекти.

Опис на проектот

Создавање уредени, достапни и функционални зелени површини и јавни паркови во урбаните и руралните делови на општината заради подобрување на животната средина, јавното здравје и на квалитетот на секојдневното живеење.

Ќе изградиме нови јавни паркови, детски игралишта и дрвореди во сите населени места на општината. Ќе ги уредиме запуштените простори, ќе поставиме урбана опрема, и ќе обезбедиме содржини за деца, млади, спортисти и за пензионери. Ќе создадеме здрава, чиста и убава околина за сите генерации – заедно за зелена и современа Општина Сопиште!

Влијание на проектот:

- Подобрено јавно здравје и намален урбан стрес.
- Нови места за дружење, игра и спорт.
- Подобрена микроклима и почиста животна средина.
- Зголемена атрактивност на општината за живеење и инвестирање.
- Поттик за локален туризам и за културни настани.

Целна група:
- Сите граѓани на Општина Сопиште.
- Децата и младите.
- Семејствата со мали деца.
- Повозрасните лица и пензионери.
- Спортските и рекреативните групи.
- Туристи и викенд-туристите.

Рок на реализација:
18 месеци, во 3 фази:
Фаза 1: Идентификација и проектирање (3 месеци).
Фаза 2: Изведба на зелени површини и урбана опрема (12 месеци).
Фаза 3: Засадување, одржување и промоција (3 месеци)

Опис на проектот

Ќе обезбедиме финансиски и логистички мерки за поддршка на малите бизниси, земјоделците, занаетчиите и младите претприемачи. Ќе основаме Локален центар за поддршка со обуки, за советување и поврзување со инвеститори. Ќе субвенционираме дел од трошоците за опрема, дозволи и маркетинг, особено за жените и младите во бизнис. Со овој проект, отвораме нови работни места и го јакнеме економскиот дух на нашата општина. Сопиште ќе биде средина каде што секоја добра идеја добива шанса!

Влијание на проектот:

Економско - Отворање нови работни места, зголемување на локалната продукција, раст на приходите.
Социјално - Охрабрување на младите и жените претприемачи, задржување на населението, јакнење на самодовербата.
Институционално - Партнерства со стопански комори, подобрени услуги, мрежа на локални бизниси.
Долгорочно - Одржлива локална економија, зголемена конкурентност, подобрен имиџ на општината.

Целна група: Граѓани со мали бизниси, претприемачи

Опис на проектот

Целта на проектот е да се обезбеди модерна, функционална и достапна здравствена инфраструктура за сите граѓани во општината, со што ќе се подобрат условите за здравствена заштита и квалитетот на услугите. Проектот опфаќа реконструкција и адаптација на постојните здравствени објекти, набавка на современа медицинска опрема, како и унапредување на условите за работа на здравствените работници.
Со реализацијата на овој проект, ќе се овозможи побрз и поефикасен пристап до здравствени услуги, особено во руралните и помалку покриените населени места. Дополнително, проектот предвидува подобрување на хигиенските услови и на енергетската ефикасност на здравствените установи.
Ова ќе резултира со подобра здравствена заштита за сите граѓани, намалување на потребата за патување до поголемите здравствени центри и зголемување на довербата во локалниот здравствен систем.

Влијание на проектот:

1. Подобрување на квалитетот на здравствените услуги – Со модернизирана инфраструктура и со нова медицинска опрема, здравствените работници ќе можат да пружат поефикасна и поквалитетна грижа за пациентите.
2. Зголемена достапност на здравствени услуги – Особено за жителите на руралните и оддалечените населени места, кои ќе имаат подобар пристап до основната и специјализираната здравствена заштита без потреба од патување во други општини или градови.
3. Подобрување на здравјето на населението – Раната дијагноза и навремената терапија ќе бидат полесно достапни, што ќе придонесе за намалување на хроничните заболувања и компликациите.
4. Зголемување на довербата во локалниот здравствен систем – Подобрените услови за работа и услуги ќе ја зголемат довербата на граѓаните кон здравствените институции во општината.
5. Поттикнување на здравствените работници – Подобрените услови и опремата ќе ја зголемат мотивацијата и ефикасноста на здравствениот персонал.
6. Економско влијание – Намалување на трошоците за патување и лечење надвор од општината, како и подобрување на здравјето ќе доведе до зголемена продуктивност и квалитет на живот.
Овие ефекти директно ќе придонесат кон унапредување на целокупниот животен стандард и благосостојбата на жителите на општината.

Целна група: Сите жители на општината — особено оние кои користат здравствени услуги во јавните здравствени установи.

Рок на реализација: 18-24 месеци

Опис на проектот

Целта на проектот е да се овозможи квалитетна и современа едукација надвор од формалното училиште, која ќе ги поддржи личниот развој, знаењата и вештините на младите и децата од општината. Преку организирањето работилници, креативни и образовни активности, проектот ќе придонесе кон стимулирање на критичкото размислување, тимската соработка и иновативноста кај младите.
Програмите ќе опфаќаат:
- Летни и зимски едукативни кампови и креативни работилници (наука, технологии, уметност, екологија).
- Обуки за дигитални вештини, јазици и меки вештини (комуникација, лидерство, тимска работа).
- Активности за подигнување на свеста за важни општествени теми како екологија, здрав начин на живот и безбедност.
- Менторство и поддршка за учество во натпревари, проекти и иницијативи на локално и национално ниво.

Влијание на проектот:

- Подобрување на образовниот процес и развој на вештините – Младите и децата ќе стекнат дополнителни знаења и практични вештини што не се дел од формалното образование, што ќе им помогне во училиштето и понатаму во животот.
- Зголемување на самодовербата и мотивацијата – Активностите ќе ги поттикнат креативноста, самостојноста и тимската работа, што ќе ја зајакне самодовербата кај младите.
- Социјална инклузија и еднакви можности – Преку вклучување на децата од социјално загрозени семејства, проектот ќе придонесе за намалување на нееднаквостите и ќе овозможи рамноправен пристап до образовните активности.
- Подобрување на здравите навики и општествената свест – Преку едукативните теми како екологија, здрав начин на живот и безбедност, младите ќе станат посвесни и ќе развијат позитивни вредности.
- Јакнење на локалната заедница – Преку поврзување на младите од различни населени места и нивно вклучување во заеднички проекти, ќе се создаде чувство на припадност и солидарност.
- Долгорочен позитивен ефект врз развојот на општината – Едуцираните и мотивирани млади луѓе ќе бидат двигатели на развојот и иновациите во заедницата во иднина.

Целна група: деца и млади од 6 до 18 години од сите населени места во општина Сопиште, со посебен акцент на вклучување на децата од социјално загрозените семејства.

Рок на реализација: во период од 12 месеци, со можност за продолжување и развој во иднина.

Опис на проектот

„Вашите пари – ваш избор: Поврат на данокот на имот со учество на граѓаните“

Овој иновативен проект има цел не само да им врати дел од платениот данок на имот на жителите на општина Сопиште, туку и да им даде право да одлучат каде ќе бидат вложени тие средства. Со проектот „Вашите пари – ваш избор“ граѓаните ќе имаат можност да изберат дали повратот на нивниот данок ќе го добијат како директен финансиски поврат, или пак тие средства ќе бидат инвестирани во конкретни локални проекти и услуги кои тие лично ќе ги поддржат.
Граѓаните ќе можат да гласаат и да учествуваат во одлучувањето за распределба на дел од средствата во области како: инфраструктура, образование, зелени површини, култура, спорт или поддршка на социјално загрозени категории.
Со овој пристап, се зголемува транспарентноста и довербата во локалната власт, а истовремено се поттикнува активното граѓанско учество и солидарноста во заедницата.

Влијание на проектот:

Граѓаните одлучуваат! – Вие го избирате приоритетот: улица, училиште, парк, поддршка за семејства…
Поголема доверба и транспарентност – Знаете каде одат вашите пари.
Пoдобри локални проекти – Средствата се насочуваат таму каде што навистина треба.
Заедничка одговорност и солидарност – Сите заедно градиме подобро Сопиште.Активна вклученост на граѓаните – Вашиот глас се слуша и вреднува.

Целна група: Сите жители на општина Сопиште кои плаќаат данок на имот– директно вклучени како учесници со право на поврат или насочување на средствата.

• Реконструкција на главните и локалните патишта за подобра поврзаност на населбата со другите делови на општината.
• Изградба на пешачки патеки и велосипедски патеки за еколошки и безбеден транспорт.
• Создавање на нови паркови и зелени површини во урбаните делови за рекреација и одмор на граѓаните.
• Проект за модернизација на јавните објекти (Дом на култура, училишта, спортски сали) за подобри услови за култура и спорт.
• Поддршка за локален туризам, вклучувајќи изградбата на инфо-центар и на туристички патеки.
• Инсталација на паметно осветлување во централните области за безбедност и енергетска ефикасност.
• Паметен и достапен градски сообраќај за сите - Подобрување на јавниот и локалниот сообраќај во Општина Сопиште преку воведување редовни автобуски линии, уредување на сообраќајната инфраструктура и користење на паметни решенија за мобилност.

• Подобра патна инфраструктура.
• Редовен и функционален јавен превоз.
• Водовод и модернизација на истиот.
• Основни здравствени услуги.
• Безбедност и осветлување.
• Зелени површини и социјален живот.
• Поддршка за локалните земјоделци и малите бизниси.
• Интернет и дигитална поврзаност.

• Сообраќај и поврзаност.
• Водовод и осовременување на постојната мрежа.
• Здравствени услуги.
• Образование и ученички превоз.
• Улично осветлување и безбедност.
• Зелени површини, спорт и рекреација.
• Културни и заеднички активности.
• Поддршка на малите бизниси и на локалната економија.
• Дигитална инфраструктура.

• Реконструкција и модернизација на патиштата во селото.
• Воведување редовна автобуска линија до Скопје.
• Проект за канализација и подобрување на водоводот.
• Поставување детско игралиште и спортски простор.
• Поддршка за мали земјоделци и претприемачи.

• Асфалтирање и уредување на локалните улици.
• Подобрување на јавниот превоз до Скопје и Сопиште.
• Улично осветлување за целосна покриеност.
• Мобилен здравствен пункт и теренски прегледи.
• Поддршка за локалните бизниси и земјоделци.
• Интернет за сите – дигитална покриеност.

• Реконструкција и проширување на главниот пат и на внатрешните улици.
• Воведување редовна и достапна автобуска линија.
• Решавање на проблемите со водоснабдувањето и канализацијата.
• Поставување улично осветлување на критичните точки.
• Изградба на детско игралиште и спортски терен.
• Поддршка за локалните бизниси, занаетчиите и земјоделците.

• Асфалтирање и уредување на патната мрежа.
• Редовен јавен превоз до Скопје и Сопиште.
• Изградба на систем за канализација.
• Улично осветлување и јавна безбедност.
• Дом на заедницата и културен живот.
• Економска поддршка за земјоделците и малите производители.

• Асфалтирање и уредување на патната мрежа.
• Редовен јавен превоз до Скопје и Сопиште.
• Реконструкција на мостот што е пред распаѓање.
• Улично осветлување и јавна безбедност.
• Здравствени и социјални услуги.
• Економска поддршка за земјоделците и малите производители.
• Млади и рекреација.