ЛОКАЛЕН ЕКОНОМСКИ РАЗВОЈ

• Максимално искористување на одличната местоположба и инфраструктурата (ел. енергија, водовод, одведување отпадни води), близината на Охрид и аеродромот — во насока на индустриски развој.
• Поддршка на иницијативи од приватниот сектор за развој на МСП капацитети и отворање нови работни места.
• Основање локален економски совет.
• Обезбедување поволни услови за инвеститори.
• Програма за општокорисна работа за лица без работа во подолг период.

ЗЕМЈОДЕЛСТВО

Особено внимание на гранките што се негуваат во подрачјето како извор на егзистенција за многу семејства. Поддршка за индивидуални земјоделци и здружено производство за целосно обработување на земјиштето.

• Редовни обуки за земјоделци за нови текови и финансиски можности (држава и меѓународни фондови).
• Помош за пласман на препознатливите локални производи.
• Поддршка и субвенции за посета на земјоделски саеми во соседните држави.

ЗДРАВСТВО И СОЦИЈАЛНА ЗАШТИТА

Горна и Долна Дебрца се соочуваат со недостиг од амбуланти и основни услуги — граѓаните се принудени да патуваат во град.

• Финансиска поддршка здравствениот дом во с. Белчишта да стане модерна установа што ќе ги опслужи жителите во овој дел од општината.
• Еднократна парична помош за секое новороденче.
• Обезбедување дрва за огрев за социјално загрозени семејства.
• Еднократна парична помош за ризични групи (деца без родители, самохрани родители и сл.).
• Надоместоци за штети од елементарни непогоди.
• Олеснет пристап до јавни установи за лицата со попреченост.
• Барање согласност за отворање детска градинка во с. Мешеишта (во веќе приспособен објект).

ТУРИЗАМ

• Стратегија за развој на туризмот во Општина Дебрца 2025–2029.
• Планински туризам: маркирани пешачки патеки и реставрирани планинарски домови.
• Пристапни патишта до културно-историски локалитети.
• Инфраструктурно уредени велосипедски патеки.
• Ревитализација на етнографско наследство во функција на туризмот.
• Промоција на придобивки од рурален туризам.
• Програми и обуки за локалното население за промоција на културното наследство и руралниот туризам.

КОМУНАЛНА СФЕРА И ЕКОЛОГИЈА

• Ново водоснабдување за Белчишта и Лешани (истражување и наоѓање бунар со поголема издашност).
• Систем за одведување отпадни води за Лешани, Велмеј, Ботун и Требеништа.
• Подобрување на водоснабдувањето во Годивје, Врбјани и Лактиње.
• Партерно уредување на главните улици во поголемите населени места.
• Јакнење на ЈП за комунални дејности со финансиска помош од општината.
• Поставување хоризонтална и вертикална сигнализација.
• Фотоволтаици на постојните потопни пумпи.
• Промоција и мотивација за обновливи извори на енергија.
• Унапредување на јавниот превоз.
• Расчистување на сите диви депонии.
• Воведување систем за селекција на отпад.

УРБАНИЗАМ

Поради закон од 2012 г. урбанистичките акти за селата се вон сила — ќе изработиме урбанистички планови за населените места во Дебрца за воспоставување ред во селските средини.

БЕЗБЕДНОСТ И ЗАШТИТА

• Ставање во служба на полициската станица во с. Мешеишта.

УНАПРЕДУВАЊЕ НА ОПШТИНСКИТЕ УСЛУГИ

• Транспарентност, отчетност и одговорност како принципи на работа.
• Е-општина — сите услуги достапни по електронски пат.
• Во функција старата општинска зграда во с. Мешеишта за доближување услуги до долниот дел од општината.
• Јавност во работата на Советот преку онлајн седници.
• Стручна и ефикасна администрација и нејзина реорганизација.

СПОРТ И СПОРТСКИ РАЗВОЈ

• Организирање и збогатување на спортско-рекреативниот живот.
• Поддршка за постојните фудбалски клубови.
• Поддршка за развој на повеќе спортски дисциплини.
• Финансиска поддршка на училишни спортски манифестации.
• Финансиска поддршка на талентирани спортисти поединци.
• Реновирање на спортски игралишта и објекти.

ОБРАЗОВАНИЕ

• Тековно одржување на постојната училишна мрежа.
• Инвестирање во нова опрема и материјали за наставата.
• Материјално-финансиска помош на училиштата од домашни и странски инвестиции.
• Стипендии за талентирани ученици.
• Модернизација на системот за греење во двете централни училишта.