Особено во зимските месеци македонските градови се меѓу најзагадените во светот. Во многу места имаме проблем со диви депонии, а граѓаните имаат сериозни забелешки за јавната чистота дури и во нај урбаните места. Осудени ли сме сите ние да живееме во ѓубре и отровен воздух?
Велес и Велешани со децении беа жртва на загаден воздух со тешки метали. И во изминатите четири години топилничарската депонија со 1.800.000 тони троска е секојдневна закана по здравјето на Велешани исто како и погоните на поранешниот металуршки гигант поради големата количина на оловно цинкови, кадмиумови и честички на останати тешки метали. Нив, ветерот продолжува да ги носи во градот додека граѓаните секојдневно да ги вдишуваат. Високи концентрации на ПМ 2,5 и ПМ 10 честичките се најизразени во зимските месеци но во концентрации ризични по здравјето и животот на граѓаните се присутни континуирано во текот сите годишни времиња. Велес е во категоријата на градови со највисоки параметри во државата. Несовесноста на дел од граѓаните е причина за создавање на десетици мали депонии со комунален отпад и смет во скоро сите делови на Велес. Тие се создаваат и остануваат на локациите поради неажурноста на општинскиот комунален инспектор и неоперативноста на ЈКП Дервен. Актуелната локална власт наместо да преземаше суштински мерки се задоволуваше со кампањска работа и ветувања. Велешани не смееме да дишеме загаден воздух и да живееме во нечист град!
Довербата на граѓаните во системот е на многу ниско ниво, а општата перцепција на јавноста е дека корупцијата цвета во нашата држава. Дали може да ја повратиме таа доверба? Дали подобрувањето на општинските услуги, зголемувањето на транспарентноста и отвореноста на општината кон граѓаните може да даде нова надеж?
Довербата денес е на историски ниско ниво, а перцепцијата дека корупцијата цвета е оправдана. Алатката „мЗаедница“ нуди навремено информирање и преземање на активности за проблеми поврзани со инфраструктура, паркови и зеленило, јавно осветлување, како и отпад и чистота од страна на граѓаните. Воведувањето на алатката во работата на општинската администрација од една страна ја приближува институцијата до граѓаните, а од друга влијае врз намалување на корупцијата.
Иселувањето е еден од најголемите проблеми, а следствено и наталитетот е во драстично опаѓање. Имаме ли иднина без луѓе? Како да ги задржиме луѓето во своите места да продолжат да живеат со перспектива за себе и за своите деца?
Една од најболните теми на секојдневниот живот на Велес е иселувањето на велешани. Се селат млади и работоспособни граѓани. Тоа не е случајност — тоа е резултат на години невложување во развојот на економијата, образованието и инфраструктурата. Ако младите видат перспектива тука, нема да бараат среќа во европските држави.
Зошто граѓаните да гласаат за вас? Што е тоа по што сте различни од другите за да ви ја дадат токму вам довербата?
Затоа што досега не сум била дел од политички механизам кој ги доведе работите до оваа точка. Кандидат сум со чиста совест, искрен пристап и докажана работна етика. Нема да ветувам невозможни чуда, но ќе ветам лично бескомпромисно вложување на личниот капацитет и интегритет за реализација на проекти со работа, чесност и посветеност, за да постигнам видливи резултати во поза на моите сограѓани на територијата на Општина Велес. Вистинските промени се можни кога работите се прават чесно, посветено, транспарентно и со јасна визија. Верувам дека Велес заслужува повеќе од половични решенија или неостварени ветувања. Велешани ќе препознаат дека нудам остварливи проекти, креирани според нивни потреби, нова енергија и отвореност за соработка. Сигурна сум дека ќе ја добијам поддршката на велешани.
