Të nderuar qytetarë,

Zëri juaj dhe vullneti juaj për ndryshim është keqpërdorur. Ju premtuan një shtet krejtësisht tjetër, por e rikthyen matricën e vjetër. Ata që qëndrojnë pranë tyre përfitojnë, të tjerët janë të parëndësishëm. Ju flisnin për ligjin dhe rendin, por reformat u braktisën, kurse gjyqësori u bë përsëri partiak. Premtuan ekonomi dhe zhvillimi, ndërsa sot jeta po bëhet gjithnjë e më e vështirë. Pagat nuk po rriten, por çmimet po rriten në mënyrë të pakontrolluar. Borxhi po rritet paimagjinueshëm - për 8 miliardë euro të reja. Derisa bujqit nuk po marrin mbështetjen e premtuar dhe kompanitë po kërkojnë rimbursim të TVSH-së, shteti po harxhon paratë tona. Ky nuk është ndryshimi që ata premtuan në zgjedhjet e fundit.

Sot qëndrojmë këtu me një mesazh të qartë: ky është momenti për një fillim të ri. Nëse heqim dorë nga të gjitha, atëherë do ta lëmë të ardhmen në duart e atyre që po e çojnë vendin prapa, në errësirën e korrupsionit dhe frikës. Nëse qëndrojmë së bashku, mund ta rindërtojmë Maqedoninë si shtëpinë tonë të përbashkët. Vota juaj është mbrojtje për familjen tuaj, për të drejtat tuaja dhe për të ardhmen tuaj.

Është koha për një luftë të vërtetë socialdemokrate, sipas idealeve dhe themeleve tona. Luftë për solidaritet, barazi dhe dinjitet. Rrënjët tona janë në luftën shekullore për liri dhe identitet, në brezat që vendosën vlerën themelore: shteti të jetë shtëpia e të gjithëve.

Zëri juaj mund të rikthejë shoqërinë në normalitet dhe t'i hapë rrugën një jete dinjitoze këtu – për familjen tuaj, për rrugën tuaj, për qytetin tuaj. Ne jemi gati të punojmë. Përsëri, me seriozitet, në mënyrë transparente dhe në anën tuaj.

SI ËSHTË GJENDJA?!

Vendi ynë gjendet në një udhëkryq. Për një kohë shumë të gjatë, problemet reale janë fshehur pas raporteve statistikore dhe deklaratave politike. E vërteta nuk mund të fshihet në interpretimet rozë duke u bazuar në të dhëna nga tabela të ndryshme - ajo dëgjohet nga zëri i qytetarëve, nga përpjekjet, frikërat dhe aspiratat e tyre të përditshme.

Ne nuk do t’i injorojmë këto zëra. Ne i dëgjojmë, i kuptojmë dhe veprojmë. Programi ynë nuk do të bazohet në premtime boshe, por duke u përballur me realitetin, duke kthyer shpresën e humbur nga tranzicioni shumë i gjatë i shoqërisë, integrimi i ngecur evropian dhe abuzimi i pushtetit gjithnjë e më i theksuar.

Më poshtë paraqesim sfidat kryesore me të cilat përballemi si shoqëri. Është koha të ballafaqohemi me to, pa frikë dhe pa u vonuar më shumë.

Rrënie drastike e sigurisë së qytetarëve

Rrezik për shëndetin e qytetarëve nga ndotja e madhe
Pasiguri në trafik
Mangësi në infrastrukturë
Qen endacakë

Mosfunksionimi institucional

Partizim dhe kapacitet i dobët i institucioneve
Planifikim urban johuman
Mirëmbajtje e dobët e infrastrukturës
Degradim ekologjik

Korrupsioni në shërbimet publike

Klientelizëm dhe administratë publike joprofesionale
Uzurpime dhe ndërtime pa plan
Shfrytëzim i pakontrolluar i burimeve
Procedura të vonuara në vend të digjitalizimit

Pasiguria ekonomike dhe emigracioni masiv

Inflacioni i lartë po shkrin pagat
Mosbesim ndaj sistemit
Politika publike të papërshtatshme
Mungesë perspektive

QASJA JONË

Të vetëdijshëm për situatën, zhgënjimin e qytetarëve dhe apatinë politike që sundon në shoqëri, ne me guxim marrim përsipër përgjegjësinë për të qenë një ndërmjetës politik, përmes të të cilit qytetarët do ta bëjnë kthesën e dëshiruar të plotë të sistemit.

Qasja jonë bazohet në katër shtylla kryesore, rreth të cilave do të gravitojnë të gjitha strategjitë, politikat dhe projektet e LSDM-së në zgjedhjet e ardhshme lokale dhe gjatë mandateve të kryetarëve të komunave dhe anëtarëve të këshillave tona, gjë që do të ketë një ndikim vërtet pozitiv për popullsinë lokale.

Kjo nuk është vetëm një platformë politike. Kjo është një thirrje për të rikthyer besimin ndaj sistemit, ndaj së ardhmes.

Të rinjtë në fokus – Paradigmë e re për zhvillim të shëndetshëm dhe të qëndrueshëm

Ne ndërtojmë individë të shëndetshëm dhe me përgjegjësi ndaj demokracisë
Të jemi një fushë për zhvillim të shëndetshëm dhe të qëndrueshëm, në vend se një stacion kultivimi për botën
Të rinjtë janë e ardhmja dhe shpresa jonë – Lehtë deri te sigurimi i shtëpisë