Особено во зимските месеци македонските градови се меѓу најзагадените во светот. Во многу места имаме проблем со диви депонии, а граѓаните имаат сериозни забелешки за јавната чистота дури и во најурбаните места. Осудени ли сме сите ние да живееме во ѓубре и отровен воздух?
Секако, не сме. Со одговорна општинска власт и редовно собирање на отпадот, можеме да изградиме здрава и чиста средина за нас и нашите деца.
Довербата на граѓаните во системот е на многу ниско ниво, а општата перцепција на јавноста е дека корупцијата цвета во нашата држава. Дали може да ја повратиме таа доверба? Дали подобрувањето на општинските услуги, зголемувањето на транспарентноста и отвореноста на општината кон граѓаните може да даде нова надеж?
Да секако, ако општината биде транспарентна, отворена и ефикасна, граѓаните ќе почувствуваат дека институциите конечно работат во служба на нив.
Иселувањето е еден од најголемите проблеми, а следствено и наталитетот е во драстично опаѓање. Имаме ли иднина без луѓе? Како да ги задржиме луѓето во своите места да продолжат да живеат со перспектива за себе и за своите деца?
Проблемот со иселувањето е еден од најтешките со кој се соочуваме со годините наназад, каде младите својата иднина ја бараат надвор од државата. За да ги задржиме мора да создадеме услови за достоинствен живот како што се: работа и подобрување на животниот стандард, инфраструктура, образование и перспектива за младите семејства.
Зошто граѓаните да гласаат за вас? Што е тоа по што сте различни од другите за да ви ја дадат токму вам довербата?
Граѓаните треба да гласаат за мене затоа што нудам чесно, одговорно и транспарентно управување, а не празни ветувања. Јас ја познавам реалноста во нашата општина, секојденвно сум меѓу луѓето, како приватно, така и професионално и знам со какви проблеми се соочуваат. Тука приоритет ќе биде интересот на граѓаните. Мојата врата секогаш ќе биде отворена за граѓаните, ќе ги слушам идеите и критиките и ќе носиме заеднички одлуки што ќе бидат од интерес за сите во нашата општина.
